Alisher Navoiy “Badoyiʼ ul-bidoya” devonining Mashhad qo‘lyozmasi

Abstract

Shu paytga qadar Alisher Navoiyning o‘zi tomonidan tuzilgan dastlabki devoni – “Badoyiʼ ul-bidoya”ning yеttita nusxasi fanga maʼlum qilindi. Eronning Mashhad shahrida joylashgan Ostoni Qudsi Razaviy kutubxonasida 4783-raqami bilan saqlanib kelinayotgan qo‘lyozma devon “Badoyiʼ ul-bidoya”ning yana bir nusxasi ekanligi aniqlandi. 204 varaqdan iborat ushbu qo‘lyozma muallif hayotlik chog‘i – 896/1491-yil Hirotda kotib Darvesh Muhammad Toqiy tomonidan ko‘chirilgan. Ushbu maqolada “Badoyiʼ ul-bidoya”ning Mashhad nusxasi haqida so‘z boradi. Mazkur devonning yangi aniqlangan nusxalari va avval maʼlum bo‘lgan qo‘lyozmalari bilan qiyosiy tadqiq etilishi Navoiy lirikasi matnshunosligi oldida turgan dolzarb masalalar sirasiga kiradi.